Pæjuland

2008-01-24T23:18:00.000Z

Viku seinna...........
Já loksins komst ég í það að setja inn myndir af gullmolunum mínum. Ég er nú ekkert lítið montin með þau svo að ég vil endilega að þið skoðið myndir af þeim :)
Búin að gera síðu fyrir Svandísi Huld.

Við höfum ekki ennþá komist út í göngutúr með dömuna. Hún varð lasin aðeins 4 vikna, fékk rosalegan hósta. Þegar hún var búin að jafna sig af honum var veðrið svo leiðinlegt að ég vildi ekkert fara út með hana. Svo er pæjan með kvef núna! En er að jafna sig af því. En mikið hlakka ég til að fara út í gögutúr. Ég hef ekki beint farið mikið út í sex og hálfa viku :)

En að einhverju allt öðru hehe... Ég var nánast hætt að horfa á sjónvarpið eftir að við fengum okkur flakkarann og ég kynntist downlodi :) En eftir að ég átti og sit oftar en ekki að gefa brjóst :) þá er ég oft með kveikt á sjónvarpinu og hef aukið sjónvarpsglápið mikið. Á þessu sjónvarpsglápi mínu hef ég komist að því að 1. febrúar er í rauninnu í janúar.... allavega samkvæmt stöð2. Þeir voru búnir að auglýsa í langan tíma að þátturinn bandið hans Bubba muni byrja í janúar. Svo allt í einu byrjar hann 1. febrúar. Tek það samt fram að ég er EKKI að bíða eftir að hann byrji hehehe.... Svo finnst mér líka að sýningin Laddi sextugur eigi að fá nýtt nafn, Laddi sextíu og eins :) þar sem að hún hefur verið í heilt ár og alltaf uppselt segja þeir í auglýsingunni :) Nei smá spaug, ég er ekkert orðin klikkuð þó að ég fari varla út úr húsi!

En litla stelpan mín, sem er að verða stóra stelpan mín er með lausa tönn! :) Það voru skrítnar tilfiningar sem að komu upp í mér þegar hún kom hlaupandi niður stigann í gær og sagði "mamma ég er með lausa tönn". Alveg eitt stórt bros :) Hún er frekar snemma í þessu, er að verða 5 ára eftir átta daga.

Jæja best að halda áfram að gefa brjóst :)
Knús á ykkur öll og verið endilega dugleg að kommenta hjá mér þó að ég sé ekki dugleg að kommenta hjá ykkur :) Ég fer alveg að birtast!

KnúSSSSSSS

2008-01-15T22:22:00.000Z

Tíminn líður og áður en maður veit af er litla skottan orðin 5 vikna :) Nóg að gera á heimilinu og enginn tími fyrir nýjar myndir og fréttir í netheiminn :)
En prinsessan var skírð og henni gefið nafn á sunnudaginn.
Hún heitir Svandís Huld.

Vona að ég hafi tíma til að setja inn myndir á síðurnar hjá snúllunum mínum fljótlega.
Knús og kossar Særún mjög svo bissí húsmóðir :)

2007-12-20T22:29:00.000Z

Loksins smá tími til að koma með smá fréttir :) Nóg að gera á heimilinu!
En sem sagt litla prinsessan okkar kom í heiminn 10. desember klukkan 07:48 :) 3520 grömm og 53 cm. Hún er algjört æði :) Rosalega vær, - drekkur, sefur og knúsast :) Systkynin er rosalega hrifin af henni og vilja ólm fá að halda á henni og knúsa hana. Við svífum um á bleiku skýji! Takk kærlega fyrir kveðjurnar í öllu því formi sem að þær hafa komið :)

Ég er búin að setja inn nokkrar myndir á síðurnar hjá systkynunum :) litla skottan fær síðu seinna ekki alveg tími í það núna :) Og já það er nýtt lykilorð, þið getið bara beðið um aðgang þar, ég er ekki með meilin ykkar sem að voruð að biðja um það í kommentunum.

Bestu kveðjur til ykkar allra og Gleðileg jól og hafið það sem best yfir hátíðarnar!

Knús og kossar úr hreiðrinu okkar.

2007-12-08T17:41:00.000Z

Jólin hér, jólin þar, jólin þau eru alls staðar! En svo heyrði ég líka um daginn að jólin væru í Byko!? Þá er ég í miklum vandræðum því að ekki ætla ég með litla barnið mitt inn í Byko, það er að segja ef það verður komið úr bumbunni :) Þetta er orðin lengsta meðgangan mín hingað til, samt er ég ekki komin á dag ennþá..... En við erum öll í góðum fíling og spennan magnast :)

Búið að baka sörur OG borða þær (næstum allar) rúsínukökur voru líka bakaðar um daginn og var Bergrún Dögg hrifnust af þeim, algjör sælkeri þessi snúlla :) Laufabrauðið er líka vinsælt og magnið af mandarínum sem að hefur farið hér er gígantískt hehe.....

Brjálað að gera í að skreyta og er mesti hausverkurinn að finna út hvernig sé hægt að skreyta utanhús en það er allt að leysast ;) Svo að jólafílingurinn er að hreiðra um sig á þessum bæ enda komið leyfi á það :)

Hafið það öll sem best og njótið, það gleymist allt of oft. Öll fallegu jólaljósin út um allan bæ, kveikjum líka ljósið inn í okkur :)

Risaknús

2007-11-22T12:45:00.000Z

Langar ekkert að deila miklu með ykkur þessa dagana. Það er nú ástæðan fyrir bloggleysi á þessari síðu.

Kannski ég bendi ykkur samt á eitt sem að ég rakst á um daginn. Ef þið eigið hund og langar að henda honum þá er sérstök ruslatunna til þess út á Garðskaga.

Hafið það annars sem best!

2007-11-05T12:50:00.000Z

Þetta er svo æðislegt lag, verð bara að deila því með ykkur og kanna hversu klár ég er :) Viðurkenni í leiðinni að ég er alveg rosalega dramatísk og algjör GA aðdáandi, kynntist þessu lagi og hljómsveitinni sem að flytur það einmitt þar :)

En svona til að bæta aðeins við jólaumræðuna mína þar sem að ég vil ekki vera kölluð neikvæð eða/og Skröggur :) Ég er sko mikil jólakona, hef mjög gaman af öllu sem að við kemur jólunum og hlakka til þeirra, finnst jólalögin skemmtileg (er farin að raula þau inní höfðinu á mér), búin að kaupa megnið af jólagjöfunum og fleira og fleira. Það sem að truflar mig bara er að ég man alveg hvað það var erfitt að bíða eftir jólunum þegar ég var yngri. Þá fór maður samt bara að hugsa um þau í blá endann á nóvember, byrjun desember. Samt var þetta langur tími! Tíminn líður á allt öðrum hraða hjá börnunum en fullorðnum og ég vil ekki að börnin mín séu að spennast öll upp allt of snemma og bíða eftir einhverju sem að er ekkert að fara að gerast alveg strax hjá þeim, þó að mér sjálfri finnist stutt í það. Vona að þið skiljið hvað ég er að fara, ef ekki þá bara óheppin þið ;) ekki samt kalla mig einhvern jólapúka!

Ég man nákvæmlega þegar þetta breyttist hjá mér. Þá er ég að meina tímaskynið (ef að hægt er að kalla það því nafni). Sem sagt ég man hvenar tíminn fór allt í einu að líða hratt. Það var stór atburður sem að átti sér stað í mínu lífi og hafði þau áhrif á mig að ég leit lífið öðrum augum og þroskaðist mikið.

Brjálað að gera um helgina. Fórum í skátadinner á föstudagskvöldið, það var alveg ágætt. Meðal aldurinn var að vísu í hærri kantinum og veislustjórinn ekki alveg í uppáhaldi hjá okkur en það er alltaf hægt að skemmta sér ef að viljinn er fyrir hendi ;) Ég aulaðist að vísu til að fara í skóm með hæl á og þó að ég hafi ekki staðið mikið þá var ég alveg búin í fótunum og er ennþá aum hihi..... smá mistök! Svo fórum við í leikhús með krakkana á laugardaginn að sjá "Allt í plati" hjá leikfélaginu. Mjög fínt hjá þeim og höfðu krakkarnir mjög gaman af.

Knús á línuna og svo má alveg segja hæ ;)

Ein mynd af fallegustu mannverum sem að ég hef augum litið :)

2007-11-01T10:30:00.000Z

Þá eru strákarnir mínir báðir búnir að eiga afmæli. Sæþór Elí á fimmtudaginn síðastliðinn og var að sjálfsögðu haldin veisla sem að átti að vera í smærri kantinum en fjölskyldan er svo stór að minni gat hún ekki verið ;) Og vá hvað barnið fékk mikið í afmælisgjöf, sumt háværara en annað :) Svo Bjarni á föstudeginum og fékk hann að sjálfsögðu flottustu afmælisgjöf sem um getur frá elskulegu eiginkonunni sinni :)
Þegar ég var að eiga Sæþór Elí sagði ég við ljósuna að pabbinn ætti nú afmæli daginn eftir en að ég ætlaði nú samt að vera svo leiðinleg og vera búin fyrir miðnætti. Þá sagði hún "ég átti afmæli í gær svo að það er bara samkomulag um að barnið komi í dag og sé á milli okkar" :) Algjört æði þessi ljósa og ég vildi að ég gæti pantað hana núna!

En úr einu í annað. Hvað finst ykkur um að jólaauglýsingar séu farnar að birtast og að jóladót sé komið upp í búðum tveimur mánuðum fyrir jól? Tveir mánuðir eru alveg 1/6 af árinu og þá eru jólin að byrja svo að þetta er eitthvað stærra hlutfall. Er ekki hægt að setja einhverjar reglur um að svona sé bannað til 15. nóvember eða eitthvað álíka? Sjálfri tekst mér að horfa framhjá þessu en ég hef meiri áhyggjur af börnunum mínum og maður mun eiga í mesta basli með að halda þessu frá þeim fram að skikkanlegum tíma. Laddi og Eiríkur Hauksson ættu í það minnsta að vera glaðir því að þeir eru að fá ósk sína uppfyllta ;) "Bara ef jólin væru aðeins lengri..." og "Ég vildi að alla daga væru jól" hehe.....

Allir í stuði á þessu heimili. Sæþór Elí er að vísu búinn að vera lasinn og er bara hérna heima að dúllast með mömmu sinni. Börnin mín bíða svo eftir meiri snjó, snjórinn sem að kom um daginn gerði mikla lukku og var nýttur alveg að fullu :) Það væri óskandi að það kæmi smá snjótíð með alvöru snjó ekki þessum sem að breytist alltaf í "slabb". Það er alveg einstakt að sjá gleðina og speninginn sem að kemur hjá þeim um leið og snókornin byrja að falla :)

Knús í krús og hafið það sem best :)

2007-10-14T10:23:00.000Z

Við Sæþór Elí erum ein í kotinu núna, B-in mín eru í félagsútilegunni. Litla pæjan var sko mjög spennt að vera að fara í skátaferðalag og var sko í skátapeysunni sinni :) þau fóru í gær og koma heim á eftir. Lillinn og mamman voru bara hérna heima í rólegheitum, enda eru rólegheit ofarlega á listanum hjá mömmunni þessa dagana. En svo koma dagar inn á milli sem að einkennast af andstæðunni við rólegheit!

Við fórum að versla í gær, nammi dagur og svona :) Þegar við fórum fram hjá goskælinum var strákur með fullu kerru af gosi og var að fylla á. Þá sagði litli snillingurinn minn "uss uss uss ætlar hann að kaupa svona mikið" af gosi þá :) Bara krútt drengurinn minn!

Annars erum við fjölskyldan í góðum gír!

2007-10-08T18:44:00.000Z

Ég hélt að ef að maður kaupir vöru sem að svo reynist vera gölluð þá eigi maður að fá nýja vöru í staðinn fyrir þessa gölluðu!? (Núna eru strax einhverjir hættir að lesa hugsandi "byrjar hún að kvarta eina ferðina enn") hehe..... En ég keypti nýja pollagalla á krílin mín í júlí frá sextíu og sex gráður norður :) Bandið á Sæþórs Elís galla (til að setja undir stígvélið) losnaði flótlega, en mamma saumaði það fyrir mig á (hún er sko með teyjusaum á sinni vél, ég kann ekkert á mína ennþá) ;) En jæja svo gerist það sama á gallanum hennar Bergrúnar Daggar svo að ég ákvað að ég léti nú ekki bjóða mér þetta, plús það að það er komið gat á efnið sjálft. Fór í búðina og ætlaði barasta að fá nýjar buxur en þá er það eina sem að stendur mér til boða að láta þau sauma þetta fyrir mig og eflaust tekur það einhverja daga. En þá væri barnið mitt ekki með pollagallann sinn sem að ég fjárfesti jú í til að hún gæti notað hann í rigningunni, ekki til þess að hafa hann í viðgerð hjá þeim af því hann er gallaður! Svo hefði ég líka þurft að þvo buxurnar fyrst og koma svo aftur í búðina því að þau taka ekki við skítugum flíkum!

Ég nenni ekki að hringja inn á aðalskrifstofuna hjá þeim þó að ég ætli mér að gera það. Kannski líka af því að það bíða mín (eða okkar) svo mörg svona símtöl sem að maður ætlar alltaf að hringja á morgun. Inn í stöð 2 af því að afruglarinn drepur alltaf á sér í tíma og ótíma, erum tvisvar eða þrisvar búin að fá nýjan en alltaf sama sagan svo að það hlítur að vera eitthvað annað. Tannlæknirinn minn því að tönnin sem að hann var eitthvað að grúska í síðast er alltaf að meiða mig en gerði það ekki áður en hann gerði eitthvað við hana. Smiðinn sem að ætlaði að koma til okkar eftir 6 vikur í október í fyrra og svo eftir hálftíma í apríl en hefur ekki ennþá látið sjá sig. Bæinn því að þeir eru ekki ennþá farnir að gera eitthvað í þessari hraðahindrun sem að er líkari stökkbretti (í hljóði) þegar að maður býr við hliðina á henni. Svo að eitthvað sé nefnt! Ég nenni ekki að standa í svona, vildi að svona smámunir sem að skipta engu máli en skipta samt máli mundu bara leysast af sjálfu sér :)

Helgin fór í málerí og flutninga hjá okkur. Vorum að færa SEB um herbergi og er drengurinn svakalega ánægður með flotta herbergið sitt. Svo fékk BDB smá fíneseringu á sínu herbergi líka, við keyptum svo flotta límmiða útí Florida sem að voru að fara uppá veggi núna. Það er víst alltaf hægt að finna sér eitthvað að dudda við heima hjá sér, bara spurning um að vera í rétta múdinu :) Aðal talvan er ekki í sambandi vegna flutninga svo að þið fáið ekki að sjá neinar myndir af flottheitunum!

Túrílú.....

2007-10-02T09:58:00.000Z

Fínasta helgi að baki! Leti og aftur leti á laugardeginum og svo afmæli og hálfgert kveðjupartý á sunnudeginum. En svo þurfti Bjarni endilega að skemma síðustu færsluna mína með því að taka aukavakt á sunnudagskvöldið ;) Segi svona, hann er alltaf svo duglegur þessi elska. Enda uppsker maður eins og maður sáir!

Annars hef ég nú ekki frá miklu að segja núna :) Sit bara hérna við tölvuna og er að mana mig upp í að byrja á heimilisverkunum. Það bíða mín gólf sem þarf að ryksuga og þvottur sem þarf að ganga frá, spennandi!

Eigið góðar stundir ;)

2007-09-28T10:16:00.000Z

Föstudagur og maðurinn minn í fríi alla helgina. Greys að malla á torrent. Vá þetta gæti ekki verið ljúfara :)

Góða helgi allir saman :)

2007-09-24T12:38:00.000Z

Sennilega er bara ekki hægt að gera óléttu konunni mér til hæfis þessa dagana! Ég hafði orð á því um daginn hvað mig hlakkaði mikið til að það færi að kólna í veðri því að ég var alltaf að kafna úr hita. Jæja svo kólnar í veðri og hvað þá? Núna á ég engin hlý föt sem að ég passa í til að vera í þessum kulda, OF KALLT. Úlpan mín góða nær því miður ekki utan um mig núna og ég ætla ekki að kaupa mér úlpu til að nota í svona stuttan tíma. Þannig að næst á dagskrá er að hætta að kvarta undan hita og byrja að kvarta undan kulda :)

Um daginn vorum við hjúin að fara í pottinn eitt kvöldið. Ég fór út aðeins á undan Bjarna. Himinninn var þvílíkt stjörnubjartur og fallegur. Ég kom mér huggulega fyrir í pottinum og byrjaði að glápa upp í loftið, ég gæti horft á stjörnurnar tímunum saman! En allt í einu tek ég eftir því að það voru einhver augu að horfa á mig....... stendur ekki köttur á brúninni á pottinum. Veit ekki hvort hann ætlaði út í til mín en ég í það minnsta gargaði úr mér lungun og hann drattaðist í burtu....

Kattakvikindin í hverfinu skitu svoleiðis á lóðina hjá okkur áður en við tókum planið í gegn. Risastór kúkakassi fyrir þá, allt í sandi. Skitan er hætt eftir að sandurinn fór og flotta planið okkar kom en samt eru þessi kvikindi alltaf eitthvað að vesenast hérna. Því miður þá bara þoli ég þá ekki. Ef að einhver ætlar að verða uppfinningarmaður þá mæli ég með fyrir viðkomandi að finna eitthvað upp til að fæla ketti í burtu af lóðum. Ég óska hér með eftir því :)

Ein flott af krúttunum mínum :)

knús, knús......

2007-09-19T14:59:00.000Z

Þá erum við hjúin búin að vera gift í ár! Það er að segja á sunnudaginn síðastliðinn :) Margt gerst á þessu ári. Hrísgrjónin virkuðu líka svona vel ef það hefur farið fram hjá einhverjum :)

Við fórum á hótel um helgina eða frá laugardegi til mánudags og höfðum það hrikalega kósý. Við áttum nefnilega "gjafabréf" upp á pössun þessa helgi og nýttum það að sjálfsögðu :) Ég verð nú að taka það fram að fjölskyldan mín burstaði fjölskylduna hans Bjarna í því að standa við þessi gjafabréf :) (sorry Bjarni minn) Meira að segja í því hlutfalli að allir nema einn stóðu við sitt í minni en aðeins einn stóð við sitt í hans! :) En þetta var að sjálfsögðu gert til gamans og var alveg ferlega skemmtilegt.

Næst að pælingum barnanna minna :) Það eru alveg ótrúlegir gullmolar sem að koma út úr þessum snúllum. Til dæmis spurði Bergrún Dögg mig um daginn af hverju pabbi sinn keyrði alltaf þegar að við værum bæði í bílnum. Ég sagði henni að það væri af því að pabba hennar þætti miklu skemmtilegra að keyra en mér :) sem að hann mótmælti svo við mig seinna :) Í gær þegar við vorum að koma út af leikskólanum sér Sæþór Elí bíl fyrir utan þar sem að konan er að keyra en maðurinn situr í farþega sætinu. Þá segir hann mamma kallar eiga alltaf að keyra þegar að konurnar eru með í bílnum. Ég mótmæli því en hann stendur sko fastur á því að kallar eigi að keyra. Svo að stelpan mín er algjör kvenréttindakona en strákurinn minn með vott af karlrembu :)

Mikið þykir mér það leitt hvað búðunum hérna á svæðinu hefur hrakað svakalega. Þá sérstaklega ávaxta og grænmetis borðin. Bónus finnst mér besti kosturinn í þessum efnum en eini gallinn er hvað það er langt að keyra þangað inn eftir.

Jæja ætli ég endi þessa færslu ekki með einni óléttumynd af mér úr síðustu viku......

Hafið það gott í rigningunni :)

2007-09-12T10:09:00.000Z

Allt í góðum gír hérna!
Sæþór Elí ennþá að kvarta yfir nöglunum á mér.
Fólk ennþá að glápa inn um eldhúsgluggann hjá mér þegar það fer yfir hraðahindrunina góðu.
Komin hurð á sturtuna.
Komnar rennur á húsið.
Búið að malbika 3/4 fyrir framan innkeyrsluna okkar. (Nesprýði eru greinilega snillingar! veit ekki hvenar þeir ætla að #drulla# sér að klára :)
Bergrún Dögg farin að spila á fullu á píanó bókina sína, svakalega klár stelpa sem að ég á.
Sparkandi barn í bumbu.

Við búin að búa í góða húsinu okkar í ár! Tíminn líður.

Knús í krús!

2007-08-26T15:23:00.000Z

Ég var ennþá í níunda bekk þegar ég byrjaði að klippa bróðir minn og hann greyið fékk engu um það ráðið ;) ég ætlaði að verða klippari og var byrjuð að æfa mig! Eitt skiptið klippti ég aðeins í eyrað á honum og var sko alveg í rusli yfir því, það var nú samt ekkert mikið. En amma var heima þegar það gerðist og hún sagði við mig "Þetta er allt í lagi! Ég klippti alltaf yngri bræður mína og einu sinni klippti ég í eyrað á einum þeirra (man ekki hver það var) og þá hætti ég bara að klippa þá". Mjög hughreystandi fyrir framtíðar klipparann mig :) Amma er yndisleg!

Í fyrsta sinn á ævinni er ég með neglur! Er meira að segja búin að hafa þær í alveg tvo mánuði eða meira. Ég byrjaði víst að naga á mér neglurnar mjög snemma og hef svo alveg haldið því við fram eftir aldri. Ef svo heppilega hefur viljað til að ég hafi getað látið þær í friði og safnað smá hafa þær bara rifnað og klofnað. Núna hins vegar eru þær bara svaka sterkar og mig langar alls ekki að naga þær og veit ég ekkert hvað veldur því. Er bara voða glöð og mikil gella með fínar neglur :) En börnin mín eru ekki eins ánægð með þetta, fyrst var Sæþór Elí alltaf að segja mér að ég þyrfti nú að klippa á mér neglurnar ;) og núna eru þau farin að kvarta yfir að ég klóri þau ;)

Það er svolítið talað um litla barnið í bumbunni á þessu heimili. Eins og eðlilegt hlýtur að teljast :) Stundum er ég að segja krúttunum mínum að barnið sé að sparka í bumbunni en þau hafa samt ekkert fundið það sparka. Um daginn sagði Sæþór Elí svo við mig "Mamma ég sparka sko ekki í þig" ;) Algjör snúður!

Best að vera með smá verðlauaafhendingu hérna á síðunni fyrir mestu kommentin ;) Bebba er í fyrsta sæti, by far og er hún greyið stundum búin að heyra áður það sem að ég er að skrifa hérna ;) Í öðru sæti er hún Birta en hún er dugleg að skilja eftir sig spor ;) Mamma er svo í því þriðja þó að hún sé ekki mikið að skilja eftir sig komment þá veit ég að hún er minn dyggasti lesandi :) Til hamingju stelpur!!! ;)

Bissí vika fram undan hjá mér. Fullt um að vera ;) gaman að því!

Another one bites the dust!

2007-08-24T16:11:00.000Z

Allt gott að frétta af þessum bloggara :) Voða margir í kringum mig eru að sigla á ný og önnur mið, svo að það er nóg að fylgjast með ;) Vonandi finna sig bara allir þar og í því sem að þeir eru að fara að gera. Sjálf bíð ég bara spennt fram á næsta þriðjudag en þá á ég loksins tíma í litun og klippingu því að klipparinn minn er búin að vera í fríi. Ég hef nú örugglega sagt þetta áður en þetta skiptið vinnur hitt þá ;) Ef að fólk mundi sjá hausinn á mér núna mundi það ekki trúa því að ég væri lærður klippari (jájá ég veit ég á smá eftir). Þannig að eftir þriðjudaginn get ég farið stollt út úr húsi :)

Við keyptum ofninn, helluborðið og uppþvottavélina í eldhúsið okkar hjá Rönning (eða hvernig sem að það er skrifað) fyrir rúmu ári síðan. Ofninn vildi ég hafa með sjálfþrifakerfi eða hvað maður kallar það, sem og mér var sagt að hann væri með. Eina kerfið sem að við fundum á honum sem átti að þrífa var ekki alveg að virka að okkar mati og ég þurkaði alltaf innan úr honum sjálf á eftir. Um daginn fór Bjarni svo í búðina og spurði út í þetta og þá kom í ljós að það væri ekkert svona kerfi á honum, ekkert almennilegt í það minnsta þetta sem er til staðar er eitthvað létt kerfi. Maður spyr sig "Hver er minn réttur í þessu?" Sem sagt fyrir þessu rúma ári síðan laug afgreiðslumaðurinn því að okkur að ofninn væri með þetta kerfi og við sitjum uppi með hann. OG þurfum að þrífa hann sjálf þegar að hefðum getað farið eitthvað annað og keypt okkur ofn með þessum eiginleikum!

Loksins fundum við hurð á sturtuna okkar. Sturtan er líka í smá lagfæringu en verður væntalega tilbúin í næstu viku. Mikið verður það fínt ;) það er ekki alveg að gera sig fyrir konu eins og mig að skrönglast í sturtu í baðinu mínu (þeir sem að hafa séð baðið skilja hvað ég á við). Undanfarið hefði ég alveg viljað eiga heima í sturtunni sökum hita, þannig að ég fagna kólnandi veðri þetta haustið :)

Knús á ykkur öll og hafið það gott um helgina! Góð helgi framundan ;)

2007-08-18T09:43:00.000Z

Þá er tölvusumarfríinu mínu lokið ;) Ykkur til mikillar gleði!
Við erum búin að hafa það alveg svakalega gott. Fórum í svaka reisu um Íslandið okkar með tjaldvagn, vorum búin með utanlandspakkann í mars ;) ekki að það sé einhver skylda að fara út en þá er það nú samt alltaf gaman.

Ferðalagið okkar byrjaði á ættarmóti sem haldið var rétt hjá Borgarnesi. Það var svo sem ágætt en ég fer ekki aftur á ættarmót með börnin mín! Það var ekki svefnfriður á nóttunni þó að gríslingarnir mínir hafi sem betur fer sofið allt af sér þá svaf ég MJÖG lítið, ekki gaman að byrja tveggja vikna ferðalag þannig! Þaðan fórum við svo á Arnarstapa sem að er á Snæfellsnesinu, vorum þar í tvær nætur ásamt erkióvinum mínum kríunni :) Næsti viðkomustaður var Hvammstangi þar var alveg rosalega fínt tjaldsvæði má til með að taka það fram því að þau voru mjög misjöfn um landið þá aðallega salernisaðstæðan en ég þurfti að hafa mikil afnot af henni ;) Svo var farið á Akureyri þar sem að við eyddum þremur dögum og gíruðum okkur aðeins niður úr útilegu stemmningunni og fórum út að borða á kvöldin og höfðum það fínt ;)
Þá var lagt í Ásbyrgi einn af fallegustu stöðunum á landinu okkar. Þaðan tókum við rúnt á Ribben maður varð nú að kíkja þangað þar sem að við vorum komin svona langt.

Svo var það nótt á Mývatni og VÁÁÁ.... við tókum rúnt hringinn í kringum vatnið og það er ótrúlegt að sjá mýið, það var eins og litlir skýstrókar það er eina lýsingin sem að ég á yfir það. Svo var það nótt í Atlavík með skemmtiatriðum frá ósáttum tjaldgestum sem að notuðu börnin sín til hefniaðgerða seint um kvöld gegn húsbílaeigendum sem að fóru í taugarnar á þeim. Ótrúlegt hvað fólk getur verið klikkað! Svo var það Skaftafell eina nótt en þegar þar var komið við sögu var frúin orðin ansi lúin og til í að fara heim :) Svo að við fórum upp í bústað og enduðum ferðina þar með veikindum því B-in mín urðu fárveik!

Mjög gaman að fara svona um landið og sjá hvað maður hefur það fínt þar sem að maður býr! Þó að fólk kjósi sér að vísu sjálft að búa þar sem það er og við þær aðstæður sem það er, eða eitthvað svoleiðis! En staðurinn sem að allir fjölskyldumeðlimirnir skemmtu sér jafn mikið að koma á var tvímælalaust Jökulsárlón. Rosalega fallegt þar og það skemmdi ekki fyrir að það voru selir að synda þar :)

Lengri færsla hefur ekki verið skrifuð á þetta blogg! Þið hljótið nú líka að sjá muninn á henni og gömlu færslunum því að hún er skrifuð á glænýju tölvuna okkar! ;)

Þar sem að ég hef verið klukkuð tvisvar og ég er í bloggham þá ætla ég líka að skrifa átta staðreyndir um mig ;) en ég ætla ekki að klukka neinn því að allir sem
að ég þekki hafa þegar verið klukkaðir.

#Ég á LANG BESTU foreldra í heimi. Sorry fyrir ykkur hin, nema þá systkyni mín fjögur þau eru svo heppin að deila þeim með mér.

#Ég er Grey's anatomy sjúklingur!

#Ég er meyja.

#Ég nota skó númer 39 en stundum 38.

#Ég byrja alltaf að lesa blöðin aftast. Nema Víkurfréttir þegar Bebba fór að skrifa í þær því að greinin hennar er svo framarlega :)

#Planið mitt eða innkeyrslan mín er orðin lang flottust í bænum og þó víðar væri leitað.

#Ég er ótrúlega hrædd við fugla eða kannski meira svona illa við þá! Get ekki hugsað mér að fá þá nálægt mér.

#Ég er orðin alveg þokkalega hvít eftir alla sólina í sumar, hætt að vera glær :)

Svona í lokin ætla ég að setja inn mynd af því sem að blasti við okkur í "stóru" forstofunni okkar þegar að við komum heim :)

2007-07-11T23:40:00.000Z

Bloggið mitt ætlar að taka sér smá sumarfrí :)
Eða kannski ég að taka mér sumarfrí frá tölvunni!
Nenni barasta ekki í tölvuna þessa dagana.

*knús* og hafið það gott ;)

2007-06-29T13:15:00.000Z

Í gær gerði ég mína ALLRA síðustu tilraun til að borða á Duus. Ég er búin að gefa staðnum nokkuð marga sénsa (veit ekki af hverju) en maturinn sem að ég fæ þarna er alltaf ógeðslegur. Að frá töldu einu skipti sem að ég fékk ágætt kjúklingasallat sem var að vísu með salthnetum í sem að var ekki alveg að gera sig. En í það skiptið fórum við hjónin saman og þegar þjóninn kom með sallatið kom hún bara með eitt sallat, gleymdi sem sagt að gera tvö og að sjálfsögðu rétti hún Bjarna diskinn (en hann lét mig hafa hann og beið eftir hinu, hann er svo mikill herramaður) :) En hann mátti þá horfa á mig borða dágóða stund. Svo í gær fórum við aftur saman tvö (alltaf úti að borða) þá kom maturinn minn ískaldur og ég kvartaði að sjálfsögðu en maturinn sem að kom til baka var ógeðslega vondur. Ég nenni ekki að þylja upp öll skiptin sem að ég hef farið þangað en það hefur ALLTAF verið eitthvað vesen. Þannig að sorry Duus ég kem ekki aftur að borða hjá þér! :)

Planið hjá okkur fer óðum að taka á sig betri mynd. Það er búið að vera svaka fjör hér á bæ, búið að grafa allt upp og skipta um jarðveg. Næst á dagskrá eru hellulagningar. Svo erum við alveg að verða búin að mála húsið eða aðallega Bjarni, ég hjálpa eins og ég get :)

Síðast en ekki síst þá er ég búin að eignast saumavél svo að saumakonan á móti má fara að vara sig :)

Hafið það gott um helgina í góða veðrinu!

2007-06-21T18:56:00.000Z

Í fyrrakvöld sátum við fjölskyldan saman að borða kvöldmatinn þegar að ég rek augun út um gluggann og sé blöðru fasta efst upp í tré hjá fólkinu á móti. Einmitt Nemo blöðru eins og Sæþór Elí hafði fengið á 17. júní svo að ég stekk upp í herbergið hans (þar sem að blaðran átti að vera) en þar er engin blaðra. Við höfðum ekki verið heima allan daginn en ég hafði skilið gluggana eftir opna en bara smá rifu svo að blaðran þurfti að vera ansi lipur til að smokra sér út um gluggann :) Sæþór Elí bað pabba sinn vinsamlegast um að ná í blöðruna með stiga ;) En blöðru ræfillinn fauk bara út í veður og vind!

Þegar að við áttum heima á skólaveginum stóð okkur ekki á sama vegna ofsa aksturs sem að átti sér stað fyrir utan hjá okkur. Fólk keyrði mjög hratt þarna oftar en ekki til að ná grænu ljósi. Mér var nú nóg boðið þegar að Risa vörubíll MEÐ tengivagn kom á fartinu til að ná ljósinu. En Bjarni sendi bréf til bæjaryfirvalda (oftar en einu sinni held ég) og spurði þá hvað þeir ætluðu að gera í þessu, aldrei kom svar. Jæja við erum löngu flutt ef það hefur farið fram hjá einhverjum :) Í gær skella svo einhverjir bæjarstarfsmenn hraðahindrun fyrir utan hjá okkur. Hún er þannig staðsett að hver sá sem að yfir hana fer er nánast inní eldhúsi hjá okkur. Fólk GLÁPIR inn! Þeir eru eitthvað seinir þarna hjá bænum og hafa sennilega verið að svara bréfinu okkar núna en eitthvað misskilið staðsettninguna :) Eða ég fæ það allavega út!

Ég hvet ykkur svo til þess að keyra varlega á Skólaveginum og að sjálfsögðu alls staðar. Það kemur alltaf grænt ljós aftur, nokkrum mínútum eða jafnvel sekúndum síðar :)

Ryksugan á fullu!

2007-06-14T19:12:00.001Z

Já loksins er ég að verða "ég sjálf" eins og Birgitta Haukdal söng einhvern tíman :)

Lillinn minn er veikur svo að við vorum bara heima í rólegheitunum í dag og lillan mín var heima með okkur :)

Allt að fara að gerast hérna fyrir utan hús. Hlakka til þegar það er búið! Mig langar svo að fara í útilegu og upp í sumarbústað og að sjálfsögðu að snúllast á pallinum okkar og fara í pottinn og fleira og fleira...

2007-06-10T22:02:00.000Z

Gaman að rúnta um á malbikuðu götunum í Njarðvík, verst er þó að það eru engin hús við þær :/

Við skelltum okkur í sund á laugardaginn og var það mín fyrsta ferð síðan Vatnaveröld opnaði í Keflavíkurlaug og finnst mér þetta frábært svæði :) Gaman að vera þarna með börnin mín sem að skemmtu sér konunglega! En mér varð hugsað til þess tíma þegar ég var í FS. Þá passði enginn íþróttatími sem að hentaði mér við stundatöfluna mína svo að ég átti að fara sjálf í laugina og synda 1000 metra á viku. Það gerði ég líka samviskusamlega, synnti allar ferðirnar! Svo þegar ég fékk einkunnirnar mínar stóð einhver skrítinn bókstafur við þennan áfanga en einhverra hluta vegna pældi ég ekkert í því, komst svo að því seinna að þetta þýddi að ég hafi ekki lokið áfanganum. En þá var því miður of seint að gera einhverja athugasemd við þetta svo að ég fékk aldrei þessar einingar. En ég synnti þessar ferðir samt :)

Passið ykkur svo á mér, ég urra svolítið mikið þessa dagana!

2007-06-08T12:03:00.000Z

Inni sit ég í tölvunni og maðurinn minn úti að mála! Haldið þið að það sé nú :)

Í gær fór ég í uppáhalds búðina mína (sem að er samt að fara að hætta að vera uppáhalds búðin mín) eða Samkaup og ætlaði í sakleysi mínu að fara í hraðbankann og ná mér í monninga. En nei á undan mér voru þrír útlendingar og VÁ hvað þeir voru lengi! Ég stóð þarna eins og þvara í 10 mín eða meira. Hvað er málið með að fara hópferðir allan fjandann! Það var alveg farið að sjóða á mér. Svo toppaði það ferðina að ég lenti á kassa hjá strák greyi sem að er örugglega nýbyrjaður að vinna þarna og kunni voða lítið á kassann! En ég beit í tunguna, FAST.

Hafið það gott um helgina og haldið ykkur frá gluggunum hjá okkur, það virðist vera voða vinsælt núna að liggja á þeim :)

2007-06-04T09:53:00.000Z

Skemmtileg helgi að baki hjá okkur fjölskyldunni :) Fórum í sveitaferð á Grjóteyri með leikskólanum á laugardaginn og renndum svo upp í bústað í gær og kíktum á skarann sem að var það :)

Núna taka við klippingar hjá frúnni. Hún hefur ekki verið að standa sig að undanförnu og er biðröðin orðin ansi löng! Hún ætlar þó að byrja á bóndanum sínum ;) hann á það nú skilið!

Potturinn er kominn í gagnið. Mikið verður það næs að vera hérna bak við hús í sumar, við munum sko nota góðviðris dagana vel hversu margir sem þeir verða. Að vísu ætlum við nú líka að mála húsið okkar svo að við neyðumst til að deila dögunum í það líka :)

Allir að rétta upp hendi sem að geta lesið bloggið mitt! ;)

2007-05-15T15:49:00.000Z

Ohhh... ég var búin að ákveða að gera færslu sem að mundi byrja á fyrirsögninni "Til hamingju Ísland" en svo fór sem fór :(

Annars er allt gott að frétta héðan úr kotinu. Lillinn minn byrjaður á leikskóla, litla pæjan mín komin á stórt hjól, maðurinn minn að gera fínt fyrir utan hjá okkur og ég í góðu stuði :)

Smá myndasýning

2007-05-10T11:30:00.000Z

Nokkrar góðar úr florida :)

Þá hafa gömlu færslurnar loksins færst vel niður á síðuna :)

2007-02-10T18:57:00.000Z

Hæ! Ég heiti Særún og ég á þetta blogg. Ég er tveggja barna móðir, nýgift og húsmóðir með meiru :) Áhugamál mín eru (og þau breyttust eftir að ég gifti mig) skíði, skautar og leiklist.
Þið eigið vonandi eftir að geta fylgst betur með mér hérna því að ég ætla að vera svo voðalega dugleg að blogga! Úr því þið hafið ekki gefið upp alla von ennþá :)

2006-05-27T09:12:00.000Z

X X X

Jæja þá erum við formlega búin að kaupa hús og selja okkar :) Það var skrifað undir í vikunni, þá er bara að bíða eftir afhendingu :) Það er svo sem nóg sem að þarf að skipuleggja (og jafnvel framkvæma líka) fram að því svo það er best að sitja ekkert á rassinum og bíða :)

Það eru TVÆR myndir í bíó sem að ég hef áhuga á að sjá. Ég hef bara aldrei vitað annað eins :) Nú er bara að velja! Valið stendur á milli Da vinci code og X-men en ætli Dvc verði ekki bíóuð hin getur beðið fram á spólu :)

En annars er ég með eitt gott húsráð svona í lokin, sem að ég fann upp alveg sjálf! Ef að þið eruð að drekka úr flottu glösunum ykkar sem að mega ekki fara í uppþvottavélina og þarf að vaska upp þá er best að reka sig bara í þau þegar maður er búinn að drekka úr þeim svo að þau brotni :) Ekkert "hand"-uppvask!

2006-05-15T23:20:00.000Z

One way ore another...

Auðveldara væri að gera nýja síðu en að byrja að "nota" þessa aftur! En þar sem að ég vil ekki missa pólska vin minn þá er best að reyna að halda þessarri við :)

Kannski er ég bara enginn bloggari!?! :) Og hef bara lifað í blekkingu. (Og kannski er þetta bara C-vítamínið að tala)

En ég þakka dyggum aðdáendum fyrir mikla tryggð :) Ég skal reyna að svíkja ykkur ekki aftur.

Svo má ég líka til með að geta þess að ég á orðið 3 færslur sem að voru bara "saved as draft" en var aldrei hleypt á netið. Svo það er ekki hægt að segja að ég hafi setið algjörlega aðgerðarlaus!

2006-02-13T21:34:00.000Z

Er ekki tími til kominn! Því miður hafa bloggin mín bara ekki ratað alla leið á netið í þó nokkurn tíma :)

En danmerkurferð að baki, þar sem að við Bjarni fórum tvö saman. Það var alveg ljómandi (eins og Bergrún Dögg segir) höfðum það gott í Sönderborg hjá brósa og co! En deginum sem að við flugum svo heim á eyddum við í Kaupmannahöfn, í brjálaðri snjókomu en samt tókst mér að versla mér föt :)

Jæja það bara kemur ekkert meira, best að vera ekkert að reyna að "remba" því út :) En allt er betra en ekkert!

2006-01-20T18:01:00.000Z

Ég byrja reisu mín,

Jesús, í nafni þín,

höndin þín helg mig leiði,

úr hættu allri greiði.

Jesús mér fylgi í friði

með fögru engla liði.

Í voða vanda og þraut

vel ég þig förunaut,

yfir mér virstu vaka

og vara á mér taka.

Jesús mér fylgi í friði

með fögru engla liði.

Hallgrímur Pétursson

2006-01-13T19:12:00.000Z

Ný færsla til að færa ljótu myndina af mér neðar! Mynd af okkur ástfangna parinu í staðinn :) Ég skil ekki þessa myndagleði í mér að vera að setja myndir af sjálfri mér á bloggið!? En hins vegar er þessi mynd ekki tekin heima hjá okkur, ekki minn litur á veggnum :)

2006-01-08T23:02:00.000Z

Ég veit ekki hvar ég á að byrja..... svo að það er best að byrja hér!
En hins vegar hef ég lítið að segja.
Já minn heitt elskaði gaf mér silikon í varirnar í jólagjöf og læt ég fylgja mynd með svo að þið getið séð árangurinn.

2005-11-04T15:19:00.000Z

Í öllum þessum flippuðu, furðulegu og vandræðalegu hugleiðingum :) þá datt mér nú í hug eitt "atvik" sem að snertir þrjár manneskjur, flippað fyrir eina þeirra (eða flippað af henni) furðulegt fyrir aðra manneskjuna og vandræðalegt fyrir mig, þá sem þriðju manneskjuna! :) Það var á afmælinu mínu, þegar ég var 14 minnir mig!

Þannig var nú málið að ég átti vinkonu sem að er sem sé sú sem "flippaði" :) nokkrum dögum fyrir afmælið mitt spyr hún mig hvað mig langi í í afmælisgjöf. Ég sem var svaka skotin í strák sagðist vilja hann í afmælisgjöf. Haha svaka fyndið djók! Jæja upp rennur afmælisdagurinn og um hádegisbil hringir þessi vinkona og segist vera að koma í heimsókn. Ég ákvað þá að drífa mig í sturtu áður en hún kæmi. Á meðan ég er í sturtunni heyri ég að hún er komin (útidyrahurðin við hliðina) Jæja ég þurrka mig og klæði mig (sem betur fer fór ég ekki fram á nærunum eða eitthvað) Þegar inn í herbergi er komið stendur ekki vinkona mín OG STRÁKURINN með henni!!!!! Mig langaði að hverfa ofan í gólfið :) Hvernig ætli svipurinn á mér hafi verið? (smá hugleiðing) Svo beinir hún höndunum út að honum, svona eins og til að sína mér hvað hún kom með og segir "Til hamingju með afmælið" Já furðulegt fyrir strákgreyið :)

2005-10-28T18:20:00.000Z

Afmælin búin :) Afmælisveislan hans Sæþórs Elís var ofsalega fín :) Mig langar að fara að komast í jólagírinn!! Gera jólakort og svona en er bara engan veginn að koma mér í það... hugmyndirnar eru ekkert að streyma inn eins og þær eiga að gera :/

En kítli og klípi ætla ég að svara, systir þú getur ekkert bara kysst mig eitthvað út í loftið svo að ég læt það kyrrt liggja :)

*Ég þoli ekki móðuna og rakann sem að myndast á gluggunum hjá mér þegar kólnar í veðri!
*Ég þoli ekki að það sé tannlæknastofa í götunni minni því kúnnarnir taka öll stæðin í kring, svo ég tali nú ekki um þegar að þeir leggja fyrir innkeyrsluna mína!
*Ég þoli ekki að hafa neikvætt fólk í kringum mig!
*Ég þoli ekki hvað það er keyrt hratt í götunni minni. Þá er fólk oft að reyna að ná ljósunum, mér er alveg sama... EKKI KEYRA SVONA HRATT!
*Ég þoli ekki hvað það er lítið lagt upp úr þjónustulund í FLESTUM búðum á Íslandi, mætti alveg senda starfsfólk í smá þjónustufræði!

Vá þetta var erfitt! :) Ég bíð aðeins með klípið, þarf að hugsa það aðeins :)

And so it is!

2005-10-23T00:55:00.000Z

Tíminn líður! Litli prinsinn minn er að verða árs gamall eftir tvo daga :)

En það er víst ekkert sem að við getum gert til þess að stöðva tímann þó að mann langi nú stundum til þess! Það sem að við getum gert er að njóta hans, tímans.

Annars fengum við hjónaleysin svaðalega, ógeðslega pest um síðustu helgi. Eða reyndar set ég nú spurningarmerki við pest? því að mér finnst nú ansi skrítið að byrja að æla á sama klukkutímanum. Þvílík og önnur eins pest? ojjjj.... bara rosalegur verkur í maganum og endalaust æl. Well allavega ætla ég ALDREI að baka pizzu aftur (kannski spelt pizzu þó, það er ekki þurrger í henni) því það að æla henni var ógeðslegt! Gerið gerjaðist í maganum.... hrollur.

Það minnir mig nú á þegar að við Bjarni vorum að byrja saman. Það var á milli jóla og nýárs. Bjarni hringdi í mig og spurði "Hvernig voru jólin hjá þér?" Ég svara "ömurleg" hann var nú mjög hissa á þessum orðum mínum en ég segi svo "eyddi þeim ofan í klósettskálinni" fékk sem sagt ælupest. Nánar tiltekið á jóladagsnótt... og það er hrillingur að æla hangikjöti! Borðaði það ekki næstu tvö jól á eftir en svo ákvað ég að prófa :)

Það væri gaman að sjá sjálfan sig með annara augum!

Eniga meniga...

2005-10-10T15:08:00.000Z

Fínasta helgi að baki. Við ógifta :) parið fórum í 50 ára afmælisboð FÍF og vorum voða flott á því og gistum á hóteli um nóttina. Fínasta skemmtun og flottur matur, gaman gaman!

Svo verð ég nú að deila því með ykkur að um daginn "lét ég" minn mann setja í mig þrjár strípur :) svaka flott gella. Síðan var hún Bebba mín svo elskuleg að láta lit í rótina á mér á föstudagskvöldið og hún er bara born haircoloringpersone (humm er það orð). Ég var í það minnsta mesta pæjan í hófinu með fjólubláu strípurnar mínar og fjólubláu rótina :)

2005-10-06T23:37:00.000Z

Ég er að hugsa um að láta klóna mig! Eins og í mynd sem að ég sá einu sinni. Man ekki hvað hún heitir en man að aðalpersónan í henni hét Doug. Hann lét klóna sig svo að klónið gæti farið í vinnuna fyrir sig.... og svo framvegis eitthvað. En ég var að hugsa um að láta klónið sinna síðunum mínum, það er blogginu og heimasíðum barnanna minna :) það er ótrúlegt hvað tíminn líður þegar maður er að leika sér í þessu!

2005-10-03T05:15:00.000Z

Fékk þá flugu í höfuðið að núna væri kominn tími til þess að fara í líkamsræktarstöð. Og fyrir helgi var ég alveg ákveðin í að byrja í dag! Af reynslunni hef ég samt lært að það borgar sig að byrja á að kaupa sér mánaðarkort og sjá hvernig málin þróast, svo ég fór að kanna verð...... 6300 krónur kostar mánaðarkort þar sem ég ætla"ði?" að fara! Það finnst mér heldur mikið og það dró nú heldur betur úr mér..... kannski ég geri þá bara eitthvað annað sem að kostar minna eða EKKERT(þá kostar ekkert, ekki gera ekkert).

ÚBBOSÍ!!! Þetta átti nú ekki að gerast.... þetta var ekki alveg tilbúið..... kommentakerfið í einhverju rugli en ég reyni að laga fljótt, því auðvitað vil ég láta kommenta hjá mér :) og svo þarf ég aðstoð míns heittelskaða við það!

Jæja tilbúið :) Með hjálp Bjarna míns! Eða eigilega gerði hann allt og ég skipaði bara fyrir! :)

2005-09-30T17:57:00.000Z

Verður síðan mín ofsótt af Pólskum öfgabloggurum? Ég er að minnsta kosti að undirbúa hana undir breytingar, "felubúninginn" :) .... þetta er bara allt spurning um tíma. Þá að hafa hann til reiðu, tímann. En kveðjið í það minnsta lúkkið því að það er nýtt útlit á teikniborðinu :) Þá er kannski von um að ég tjái mig hér oftar því að ég er sjálf búin að fá leið á útlitinu, ég þarf helst alltaf að vera að breyta til!

Joko, Jakamoko, Toto...

2005-09-21T21:28:00.000Z

Best að skrifa nokkur orð...... ekki að það sé eitthvað lítið um lestrarefni á netinu, nóg af virkum bloggurum sem að eru miklu duglegri en ég!

Ég hélt að ég væri sykurkleina en samt var ég klukkuð af Magnþóru svo það er best að vera með í þessum leik, sem að mér finnst mjöggg sniðugur :)

Mig dreymir mikið, nánast á hverri nóttu.
Mér finnst hvítt súkkulaði hrikalega gott.
Mér finnst ótrúlega gaman að hengja þvott út á snúru.
Ég á fullt að myndarömmum sem að ég á eftir að setja myndir í.
Ég fór með pakka í póst í dag og þurfti að skrifa á miða sem svo var límdur á pakkann, hvert innihald pakkans væri.

Og þar hafið þið það. Þá er það víst að klukka einhvern.... humm........ Hallur bróðir minn, Sævar frændi, Sveina sis (hef reyndar einhverstaðar séð hana klukkaða), svo ætla ég að halda mig innan fjölskyldunnar og klukka mömmu og Jens Óla bróður :) þó að þau séu ekki með síðu!

Við hjónaleysin erum búin að vera voða dugleg og mála herbergið hans Sæþórs Elís :) það er allt að smella. Ofninn er að þorna út í skúr, hann var tekinn og smúlaður, svo grunnaður og loks lakkaður. Það er ekki endalaust hægt að mála þessa blessuðu ofna, erum sko með pottofna í húsinu! Ég hef aldrei málað eitthvað að viti áður en mér fannst það bara voða gaman :) Svo er það svona hitt og þetta sem að er verið að ditta að hérna á heimilinu. Bjarni er til dæmis búinn að bera á alla gluggana að utan. Bara gaman að þessu öllu!

2005-08-31T21:40:00.000Z

Lillan mín er byrjuð á leikskóla. Ég er búin að vera með hana í aðlögun frá því á mánudaginn og í dag skildi ég hana í fyrsta skiptið eftir. Hún ætlaði varla að leyfa mér að fara litla músin mín, fór út að leika og leyfði mér að fara þá.... svo þegar ég kom að ná í hana sat hún í fanginu á einni konunni alveg með ekka, þá hafði hún orðið voða lítil og farið að gráta þegar farið var inn :) Æi litla skottan mín ég var hálf miður mín sjálf að koma og hún grátandi..... þetta tekur sko alveg á.

Mér finnst líka voða skrítið að hún muni vera þarna á daginn en ekki hjá mér (hún verður frá eitt til fimm) En ætli það venjist ekki :)

2005-08-29T21:31:00.000Z

Ég fékk síma í afmælisgjöf. Flottan síma sem að virkar fínt. Það voru líka þessar fínu leiðbeiningar á honum (nánar til tekið á batteríinu), ég læt mynd fylgja - er meira að segja búin að setja rauðan hring utan um það sem að ég vil benda ykkur á! Eða kannski sem að símaframleiðandinn vil benda mér á?

2005-08-20T22:30:00.000Z

Maður verður svona dálítið út úr heiminum við og við. Um daginn var ég að gefa snúllunum mínum morgunmat og Bergrún Dögg byður mig um að gefa sér vatn, sem að ég auðvitað geri. Læt vatn í glas, fer með að borðinu og rétti Sæþóri Elí vatnið! Hann tekur glasið um leið og hellir því yfir sig :) (Hann drekkur að sjálfsögðu úr stútkönnu en hún úr venjulegu glasi)

Í dag vorum við svo í heimsókn í húsi nokkru :) vorum einmitt að fara heim. Þá tek ég peysuna hennar Bergrúnar (Peysu sem er bleikari en bleikt:) og ætla að klæða hana í peysuna en ég tók Sæþór og byrjaði að klæða hann í hana! Alveg magnað :)

Það hefur einmitt komið fyrir líka að ég láti snuðið hans Sæþórs Elís upp í Bergrúnu Dögg :) Svona vil þetta bara verða stundum!

2005-08-11T23:43:00.000Z

Ég komst að því í dag að ruslakallarnir eru að lesa bloggið mitt! Því að ruslabíllinn kom í dag að ná í ruslið og það er ekki liðin vika síðan síðast... venjulega er komið á 10 daga fresti eða eitthvað álíka. Þeir hafa ákveðið að koma aukarúnt hérna í kverfið til þess að athuga með ruslið hjá mér...... hvort þeir finndu ekki eitthvað bitastætt þar! :)

2005-08-09T22:09:00.000Z

Ætli það sé ekki kominn tími til þess að fara að tölvast aðeins! Þá er bara að gíra sig upp. Talvan komin á nýjan stað og svona, keyptum okkur þennan fína tölvuskáp/hillu og komum fyrir hérna í miðju hússins, holinu. Það er kominn tími á að gera herbergi fyrir prinsinn og er verkefni næstu daga að fara í gegnum dótið sem að hefur safnast saman inn í "fyrrverandi" tölvuherberginu og koma því einhverstaðar fyrir. Wúbbí.... það verður gaman!!

Það fór illa fyrir símanum mínum. Hann fór ÓVART í ruslið! Og að sjálfsögðu mættu ruslakarlarnir strax á svæðið og tæmdu tunnuna áður en það óhapp uppgötvaðist....... GREIT!

2005-07-27T22:35:00.000Z

Sumar, sumar, sumar og sól.....
Fínt að vera í sumarfríi - enda erum við búin að bralla ýmislegt. Þó að það hafi ekkert verið á planinu! Sumarbústaðurinn er alltaf bestur og þar sem að ég er með markmið sem að hljóðar upp á að skrifa á hverja síðu í gestabókinni verð ég að vera dugleg að fara. (Sem að ég er) Við skelltum okkur á landsmót skáta... eða í þrjár nætur, í tjaldvagninum - gekk bara fínt :)

Svo fór ég barasta á djammið huhumm..... eftir giftingarpartýboðveisluna hjá Sveinu og Óla. Sendi kallinn heim með börnnin okkar yndislegu og fór sjálf út - langt síðan síðast! En það var alveg ágætt bara......!

Skátinn minn fór aftur á landsmótið og ég fór með börnin mín, m&p, Sveinu, Ólu Sól og SæbbaG upp í bústað að passa upp á gestabókarkvitt.

MÚHA........ Og þá vitið þið allt um það..... gef ekki upp hvað við erum búin að gera það oft síðan síðast..........

+ Best að hætta að vera svona stílhrein alltaf með sama litinn

2005-07-01T12:19:00.000Z

Hver er það sem að missir fjarstýringuna af sjónvarpinu ofan í fat fullt af vatni sem hún var búin að vera í fótabaði í. Jú það er sama manneskjan og missti einu sinni nýja heimilissímann ofan í baðið þegar hún var að þvo einhverjum (man ekki hverjum) um hárið.

Auðvitað ég hver annar!

En það má fylgja sögunni að bæði komst þetta heilt frá ósköpunum :)

2005-06-27T21:39:00.000Z

Þannig er nú það!
En við vorum upp í bústað um helgina. Ég og mínir, Sveina og hennar og Jens Óli og hans :) svo kom Hallur á Laugardagskvöldið. Agnes var fyrir Sveins og hans hönd :) Það var svaka fjör hjá okkur, spilað og borðað og tölvast og leikið sér úti í rigningunni og farið í kofann og hlegið og margt og mikið og fleira.

Núna mætti svo veðrið lagast aðeins rigningin er ágæt en þetta er komið gott þar sem að það er júní og ekki langt í að júlí skelli á!

Lillinn minn ætlar að vera alveg jafn mikill mömmustrákur og systir sín :) Gaman að því! En við erum 99,9% viss um að hann er að segja MAMMA þegar að hann segir "mamma" :) Þeir sem að eiga börn (sem að eru farin að tala) skilja væntanlega hvað ég á við. Því mama er hljóð sem að þau segja en eru ekkert að meina mamma. En hann segir nú orðið "mamma" og horfir á mig, vil koma til mín eða annað :) Hann babblar samt "mama" og "gaga" daginn út og inn :) Kíkið endilega á gulin mín Bergrún Dögg og Sæþór Elí Ég var að gera síðurnar fínar og sætar :) Verið ófeimin við að byðja um aðgang!

Sjúbbídú!

2005-06-22T00:13:00.000Z

Það komst upp um okkur!

Humm...

2005-06-19T22:43:00.000Z

Það er eitthvað við sumarið....... ég bara nenni helst ekki í tölvuna og á bloggflakki mínu (þegar að ég nenni í tölvuna) hef ég komist að þeirri niðurstöðu að það eru fleiri sem að nenna því ekki. Það er sem sagt ekki mikið um blogg yfirleitt! Svo er það eitthvað svo týpíst að maður er alveg tómur þegar að maður sest niður og ætlar að skrifa hér inná en svo er ég kannski að gera eitthvað annað og kemst ekki í tölvuna þá er hugurinn við skrif (ef þið skiljið hvað ég á við - annars bara óheppin) :)

En lífið er furðulegt engu að síður! Hvað getur maður annað sagt en það?...

Blikkedí~blikk ;)

2005-06-09T20:11:00.000Z

Ég er svo mikil gella á nýja bílnum að það er alltaf verið að blikka mig................ reyndar af því að ég er ljóslaus ;) Það er frekar óþægilegt að það sé ekki sjálfvirkur dagljósabúnaður á bílnum eins og á gömlu elskunni minni :) En maður verður víst bara að venjast því - það hlýtur að koma! Hins vegar er búnaður á bílnum sem að kveikir sjálfkrafa á ljósunum þegar að það byrjar að rökkva en þar sem að landið okkar góða er eitt af fáum sem að það er skylda að vera með ljós alltaf þá er það ekki nógu gott. Bíllinn er alveg magnaður engu að síður :)

Bjarni hefur séð út að við gætum keypt þennan bíl vegna þess að það eru græjur í honum sem hægt er að setja 6 diska í einu í. Þar er kominn sparnaður upp á nokkra þúsundkalla............ já vegna þess að þá rispast ekki eins margir geisladiskar þegar ég er að skipta um disk og legg þá einhverstaðar frá mér :/

Svo megiði endilega láta vita af ykkur ef að þið eruð að fylgjast með. Það væri gaman að fá að vita hverjir eru að lesa þessa vitleysu (ef einhverjir eru) :) ég er reyndar ekki sú duglegasta að kommenta hjá öðrum :/ svo ég hef ekkert með svona heimtifrekju að gera :)

Kagginn farinn af stað!

2005-06-05T20:41:00.000Z

Við mamma, Bergrún Dögg og Sæþór Elí skelltum okkur upp í bústað á mánudaginn var :) Það var alveg svakalega fínt hjá okkur. Veðrið var alveg ágætt bara! Gerðum tilraun til þess að fara í sund á Selfossi en þá var lokað vegna viðgerða 31. maí og 1. júní svo við fórum aftur í góðri von 2. júní en þá var ekki hægt að fara í innilaugina og það voru bara útiklefar í boði (og það kostaði ekkert ofan í). Þar sem að það var fínsta veður ákváðum við að ég færi ofan í með Bergrúnu Dögg og mamma og Sæþór Elí horfðu á á bakkanum. Þið voruð óheppin að vera ekki að fljúga þann dag, útiklefarnir voru sko úti! Það er að segja það var bara þak á helmingnum af klefanum svo að flugfarendur duttu aldeilis í lukkupottinn :)

Bjarni kom svo að ná í okkur í gær á nýja bílnum okkar sem að er loksins kominn til landsins :) FORD EXPLORER heitir hann! Aðal kagginn í bænum.

Í dag fórum við svo í skírnina hjá litlu prinsessunni henni Bryndísi Evu :) fallegt nafn sem að litla daman fékk enda er hún gullfalleg stúlka :)

Koma á óvart.........:)

2005-05-29T21:32:00.000Z

Mjög svo viðburðarík helgi að baki! Á föstudaginn nutum við, ég og börnin mín veðurblíðunnar og eyddum mestum hluta dagsins utandyra. Vonandi fáum við sem best sumar svo maður geti dynglst úti sem mest :)

Á laugardagskvöldið var ég (ásamt fleirum) svo boðin út að borða með Óla og Sveinu því að Óli var að útskrifast úr Listaháskólanum. Hallur kom með mér og við viltumst svona passlega bara :) En já svo erum við öllsömul kominn á staðinn og í góðum gír þá segir Óla Sól okkur að mamma sín og pabbi væru búin að gifta sig :) þau höfðu sem sagt gift sig um daginn:) Ég var svona smá stund að kveikja á perunni en mér finnst þetta alveg yndislegt hvernig þau gerðu þetta. Við fengum svo að sjá videóupptöku af athöfninni og hún var alveg æðislega falleg :) þó að ég hafi auðvitað viljað fá að vera þar. Þau eru alveg æðisleg og þau ljómuðu :) Verst að ég var búin að æfa sönginn og hann verður ekkert nýttur þannig að ef það er einhver þarna úti sem að vantar söng í brúðkaupið hjá sér þá bara hafa samband :)

Í dag fór ég með börnin mín í afmæli hjá Sylvíu Björt. Það lá ekkert allt of vel á þeim, Bergrún Dögg hafði vaknað 6:30, hún var samt mjög spennt að fara í afmælið en hékk alveg utan í mér og grenjaði ef að ég hvarf úr augnsýn. Sæþór Elí var aðeins pirraður en samt svo góður :) En frábær helgi í alla staði þó að karlinn hafi verið að vinna alla helgina.......

Fína eldhúsið mitt :)

2005-05-25T10:00:00.000Z

Frábær helgi að baki (segi ég á miðvikudegi) en hún var það samt þó að það séu liðnir þrír dagar síðan :) Við fórum upp í bústað og höfðum það hrikalega gott, það er alveg nauðsynlegt að komast aðeins í "sveita"sæluna úr ösinni og SLAKA Á. Við fórum í sund á Selfossi, lillinn var að fara í sund í fyrsta skipti, það er þessi fína innilaug þarna (meira en hægt er að segja um Kef).

Svo var ég alveg hrikalega dugleg og tók eldhúsið mitt alveg frá a-ö í gærkvöldi. Ég er í einhverju svona "taka í gegn - sortera" stuði og reyni að nýta mér það að sjálfsögðu en mestmegnis á kvöldin, það gengur svona la-la á daginn með gríslingana mína í eftirdragi :)

Díí... þessir bæjarstarfsmenn... urr.... ég er að reyna að ná í eina svoleiðis kerlingu en það bara gengur ekki neitt! Hún veit greinilega hvað ég ætla að vera brjáluð við hana svo að hún er annaðhvort upptekin eða ekki við þegar að ég hringi. Svo er bara opið þarna frá 9-15:30, lokað í hádeginu, alveg hreint fáránlegt!

Spenna þetta aðeins upp :)

2005-05-17T22:05:00.000Z

Með kúgun píndi Bjarni mig til að klippa sig í gær! Hann var ekkert búinn að raka sig í þá nokkra dagana og ætlaði ekkert að raka sig fyrr en að hann yrði klipptur :) Það var nú reyndar ekki vanþörf á klippingu fyrir kallinn, hann var orðinn ansi hármikill höfðinu á! Pabbi fékk líka klippingu enda kominn tími til. Ég skil ekki hvernig þeir sætta sig við þetta :)

Ég datt sko alveg í fílinginn í dag þegar að ég var hérna bak við hús með börnunum mínum. Það er svo margt sem að okkur langar að gera og þarf að gera í garðinum okkar. Hugmyndirnar flugu um garðinn minn! Það er svo aftur á móti spurning hvað "sambýlingum" okkar finnst um mínar/okkar (nei smá grín, ég ræð ekki öllu :) hugmyndir.

Svo er alveg orðið tímabært að færa smá spennu í þessa síðu, setja inn myndir og fínerí. Það kemur við tækifæri!

Fylgikvillar sumarsins!

2005-05-14T21:31:00.000Z

Ég er skíthrædd við þessi fljúgandi flikki! Verð bara að viðurkenna það. Heimskulegt að vera hrædd við eitthvað sem að er skriljón sinnum minna en ég :) Já ég er að tala um býflugur og geitunga. Þetta er algjör vibbi... Ég kem eflaust mörgum fyrir sjónir eins og fáviti að sumri til..... ef að ég sé svona kvikindi þá stekk ég til og hleyp alveg á miljón eitthvað út í bláinn.

En ég er nú eiginlega með fóbíu fyrir ÖLLU sem að flýgur (nema Superman). Skíthrædd við fugla! Samt vildi ég einhverra hluta vegna fara í kríueggjaleit með mömmu þegar ég var yngri. Var alveg að farast úr hræðslu :) Man meira að segja eitt skipti sem að ég hreinlega fór að grenja... og var 12 ára!

Við Bjarni vorum eitthvað að flakka um fjölvarpið í gærkvöldi þegar að við fundum Smallville (Superman) sem að er minn uppáhalds þáttur. En hann var reyndar talsettur á frönsku (eða þýsku, man það ekki) svo að ég læt það nú sennilega vera að horfa á það. En það er alveg brandari út af fyrir sig að sjá myndir og þætti sem að er búið að talsetja hvort sem að það er á þýsku, frönsku, spænsku eða einhverju öðru :)

Brummbrumm.....

2005-05-13T17:45:00.000Z

Þá erum við komin á svaka kagga! Það er að segja ég og börnin mín :) Við Bjarni fórum í gær og keyptum okkur strætó! Já eða þannig, þessa fínu systkynakerru. Hún var svo prufukeyrð í dag og er hún bara hinn fínasti ferðakostur. Sæþór Elí laggði sig bara í aftara sætinu og Bergrún Dögg söng í því fremra :)

En aðal kagginn kemur ekki til landsins fyrr en 25. maí!!!

Ljót á toppnum...

2005-05-11T11:36:00.000Z

Ég er að verða lélegasti bloggarinn, vil ekki að það gerist svo það er best að gera eitthvað í því :) Var nú reyndar frekar brjáluð í gærkvöldi þegar að ég var búin að blogga alveg helling en nei nei þegar ég ætlaði að posta því þá var blogger.com niðri í klukkutíma og færslan mín týnd og tröllum gefin!

Við erum búin að vera í "orlofi" út í Garði á meðan mamma og pabbi voru úti, fínt að skipta aðeins um umhverfi. Svo var auðvitað frænkupartýið á föstudaginn, það var barasta mjög fínt ;) nema ég sem að ætlaði svo mikið að skemmta mér var orðin mjög þreytt klukkan hálf eitt og fór heim. En ég átti nú samt flottasta múvið ;) þegar ég var að fara og var komin hálfa leið útí bíl uppgötvaði ég að ég hélt á einhverjum poka (fullum af bjór) sem að ég átti ekkert í :) híhíhí.....

Toppurinn á mér er HRIKALEGUR! Ég ákvað að klippa hann aðeins áður en að ég færi í frænkupartýið með líka þessum hræðilegu afleiðingum.

Núna skil ég :)

2005-04-25T15:38:00.000Z

Ég er farin að skilja hana Bebbu mína :) Þá er ég að meina núna skil ég hvað hún var spennt þegar ég var að eiga snúllurnar mínar.
Ég stekk upp ef að ég heyri sms í símanum mínum - viss um að hún sé að senda mér að það sé allt komið á fullt og ég verð alveg hoppandi glöð þegar að hún hringir í mig. Ég er sko spennt :)

Nema hvað ég átti bæði krúttin mín fyrir settan dag svo ég veit nú ekki hvað það er að bíða, þá er ég að meina bíða "eftir settan dag" því ég var nú alveg farin að bíða. En ég vona að það fari allt að gerast hjá henni elskunni :)

Ég er öll í símtölunum!

2005-04-23T10:43:00.000Z

Já það er víst voða gaman að hringja í mig til að "bögga" mig :) Ég barasta verð að segja frá símtali sem að ég fékk einu sinni. Það var sem sagt hringt frá einhverju styrktarfélagi og spurt um Bjarna. Hann var ekki heima svo að ég sagði manninum að svo væri, þá spyr maðurinn hvar hann sé og ég spyr hann þá hvað hann vilji honum og hann útskýrir það (sem sagt sníkir eitthvað). Ég segi honum að við höfum ekki áhuga en hann spyr mig samt hvort að Bjarni sé með gsm síma, ég segi nei hann er ekki með gsm síma (frekar hneiksluð - af hverju hlustar hann ekki á mig). Hann gefst ekki upp og vil vita hvar Bjarni sé eiginlega, í hneikslutón segi ég "hann er bara út í búð" (veit ekki af hveju ég sagði honum það). Þá heimtar karlfíflið númerið í búðinni, ég hélt að andlitið mundi detta af mér og ég kvaddi hann bara.

Daginn eftir hringdi Bjarni í þetta styrktarfélag og kvartar yfir framkomu þessa manns og við gefum upp símanúmerið sem að hann hringdi úr. En maðurinn í símanum kannaðist ekki við númerið (samt var það mjög líkt númerinu sem að félagið er skráð fyrir)?!? Alveg er ég meira að segja viss um að það hafi verið karlinn sjálfur.

Nema hvað, svo núna í vikunni er aftur hringt frá þessu sama og ég er alveg viss um að það hafi verið sama karlfíflið!! Var með númeraleynd í þetta skiptið. Talaði ógeðslega lágt og ég ætlaði aldrei að getað neitað honum því hann stoppaði ekki. Plús það að hann hringdi klukkan 21:40.

Ég ætla allavega að fá mér rautt x við númerið okkar!!!

DÓNASKAPUR!!!

2005-04-17T21:38:00.000Z

Hvað er fólk að hugsa þegar að það hringir um miðja nótt inná heimili?!? Þar að auki þar sem að það eru tvö lítil börn. Það gerðist allavega á þessu heimili í nótt og varð ég reið, já hvort ég varð -urrr.... alveg brjáluð. Svo vaknaði litli prinsinn og var ekkert á því að fara að sofa strax og ég átti erfitt með að sofna aftur. Svo hringdi manneskjan TVISVAR því að í fyrra skiptið skellti ég á (hélt að þetta væri bara óvart hringing því það var ekkert sagt í símann). Ég fékk nú líka algjört sjokk, hélt að eitthvað hræðilegt hefði gerst því að það hringir nú enginn bara svona að gamni sínu í mann um miðja nótt.

En jákvæðari hlutir :) Við fórum með Bergrúnu Dögg í leikhús í gær. Fórum á Hans og Grétu í Frumleikhúsinu hérna í sunny Kef (eins og Bjarni minn segir). Það var alveg æðislega gaman og skemmti prinsessan sér alveg rosalega vel og við foreldrarnir líka!

Grænt, grænt, grænt er grasið út í haga!

2005-04-16T00:03:00.000Z

Ég er alveg að flippa á þessu græna :) Eða svona, það er allavega mjög orkugefandi og frískandi. Ég er sem sagt að tala um grænt te. Mæli sko alveg með þessu tei. Þetta er teið sem að fæst í Hagkaup (held að Solla græna flytji það inn). Vá þetta er að breytast í einhverja meðmæla síðu!

Ísskápurinn er einmitt fullur (blindfullur) af grænmeti og ávöxtum. G og Á eru alveg í meirihluta í skápnum, sem er mjög gott mál. Það er líka búið að henda hveitinu út í tunnu og speltið hefur eignast plássið sem að það hafði. Það er gaman af þessu! Þá er bara að vita hvað það gengur lengi, ég er allavega vongóð í augnablikinu. Sama hvað gerist þá hætti ég EKKI að drekka græna teið. Það er alveg nauðsynlegt, enda mælir manneldisráð með að maður drekki grænt te á hverjum degi.

Sól, sól skín á mig!

2005-04-13T13:33:00.000Z

Ég var farin að halda að ég væri valdur snjósins sem hefur verið að kíkja við undanfarið :) Því að ef að ég setti þvott út á snúru í góða veðrinu þá fór að snjóa seinnipartinn! Ég bíð spennt núna, ég er sem sagt með þvott á snúrunni ;) En held að það þurfi eitthvað mikið að gerast til að það fari að snjóa núna, en ef að það gerist þá hætti ég líka að nota snúruna. Allavega í bili!

Flottheit....

2005-04-12T21:04:00.000Z

Við skötuhjúin skelltum okkur bara út að borða og í bíó í gærkveldi :) Svakalega flott á því! Það var nú minn heittelskaði sem að bauð mér í herlegheitin. Og bestu barnapíurnar pössuðu fyrir okkur, sem eru auðvitað mamma og pabbi :) Við fórum á Fridays og var það alveg ljómandi góður matur sem að við fengum. Ég fékk mér kjúklingasalat og Bjarni einhverskonar kjúklingarétt. Ætluðum á Pizza Hut og fórum reyndar þangað, vorum sest niður og allt en ákváðum svo bara að standa upp og fara yfir á næsta stað :) Sáum sko ekki eftir því! Til að toppa allt saman fórum við í lúxussalinn í bíóinu, höfum aldrei prufað það áður og munum eflaust bara fara þangað framvegis :) eða kannski ekki alveg. En það var allavega þvílíkur lúxus, svo salurinn ber nafnið með réttu!

Ekta Sunnudagur

2005-04-10T21:09:00.000Z

Kellan skellti sér bara á Nesið ein með börnin sín í gær :) Svaka harka! En það gekk svona líka svakalega vel. Kíktum á Sveinu systir og áttum með þeim mæðgum fínan dag :)
En í morgun tóku elsku litlu dúllurnar mínar upp á því að vakna bæði klukkan fimm, sem að er þá eiginlega í nótt. BDB sofnaði svo rétt fyrir 7 en SEB var ekkert á því að sofna og ákvað að stríða mömmu sinni aðeins :) Svo dagurinn í dag hefur verið letidagur hjá okkur, kallinn að vinna og svona. Eru Sunnudagar ekki líka letidagar!?!

Kabúmmm!

2005-04-06T13:57:00.000Z

Einhverra hluta vegna finna nágrannar mínir og/eða einhverjir sem að eiga leið framhjá nágrenninu, já þá eða bara Keflvíkingar yfir höfuð, einhverja hvöt til þess að sprengja flugelda allt árið í kring !?! Annað slagið (meint samt nokkuð oft) heyri ég þvílíkar sprengingar, þá er einhver af fyrrnefndum að sprengja rakettu. Alveg finnst mér það tillitsleysi af hæðstu gráðu!
Eina nóttina núna fyrir ekki alls löngu, skítur einhver upp köku WHAT hvað er að þessum ragettu sjúklingum? Ég bara spyr. Sem betur fer var ég vakandi því að ég var að gefa Sæþóri Elí að drekka, annars hefði ég eflaust flippað!!! Með stóru F-I.

Annars er bara allt í topp standi á þessum bæ. Ég er með hálf tóman haus, það er veðrinu að kenna!!

Óttaslegin.....

2005-03-30T23:11:00.000Z

Hrikalega kvíður mig fyrir....... á morgunn....... er ég að fara.......... til TANNLÆKNIS!!! O-Ó ég er svo hrædd við tannlækna :( ég er alveg að pissa í mig úr hræðslu! Svo er ég líka að fara til nýs tannsa, það er að segja ég hef ekki farið til hans áður. En Bjarni er hjá honum og hann kemur alltaf ólaskaður heim svo kannski er ekkert að óttast. En ég óttast samt! Ég bara skil ekki þessa tannlækna fóbíu í mér, ég er svo sem ekkert hrædd við sársauka ef að það þarf að gera við einhverjar tennur heldur finnst mér óþægilegt að liggja þarna með einhvern mann á kafi í munninum á mér. Óþægileg tilhugsun!
Ég sit bara hérna og er að reyna að ákveða hvað ég ætla að hafa í saumaklúbbnum á föstudaginn, þarf að versla á morgunn. Ætla að hafa eitthvað alveg magnað (sem að endar svo eflaust á heita réttinum hennar Írisar, sem bæ the vei er ofboðslega góður - nammi namm).

Mæli með því.....!

2005-03-26T22:33:00.000Z

Þvottur er uppáhalds heimilisverkið mitt, mér finnst sem sagt mjög gaman að þvottast og tóm þvottakarfa er markmiðið! Það er svo gaman þegar hún er tóm :) En þessa dagana er ég hreinlega með ofnæmi fyrir þvottinum, það er endalaus þvottur og ég nenni eiginlega ekki að þvo og sama hvað ég þvæ mikið það er alltaf allt fullt af þvotti. En mér finnst leiðinlegast að taka til í eldhúsinu eða ég nenni ekki að byrja á því, það er svo sem ekkert leiðinlegt þegar maður er byrjaður á því.
En ég er sko ekkert að reyna að selja ykkur Enjo eða eitthvað svoleiðis, fékk mér reyndar slatta af vörunum núna um daginn and I love them :) Þær eru frábærar! Ég var að vísu að hugsa um að fara að selja þær einhvern tímann á næstunni en ég er hætt við, það hentar mér bara ekki :) Ég ætla að vera heima hjá snúllunum mínum og var að spá í þessu svona að gamni, svona smá kvöldskrepp með gróða :) En ég er engu að síður hætt við svo ég reyni ekki að selja ykkur neitt, vörurnar eru samt frábærar, mæli með þeim :)
Jæja ég er að fara að fela páskaegg :)

Meyja með meiru!!!

2005-03-21T23:43:00.000Z

Það fer nú alveg að líða að því að ég missi lesendur mína og ég sem er rétt nýbyrjuð að safna!
En ég hef barasta mjög lítið tölvast undanfarið, það er svo sem alveg nóg að gera hjá manni :) Svo er ég svo hrikalega mikil meyja og það sem felst í því er að það þarf allt að vera "svona" og stundum taka hlutirnir aðeins lengri tíma en þeir gætu gert undir eðlilegum kringumstæðum (þeir skilja sem að vilja skilja :)
Enn ein Reykjarvíkurferðin í dag og haldiði að lillinn minn hann Sæþór Elí hafi ekki bara fengið að fara með í Smáralindina! Við fórum öll saman fjölskyldan. Ég keypti mér föt sem að ég var mjög fljót að finna mér og er ánægð með þau, það finnst mér alveg magnað. Yfirleitt tekur það ansi langan tíma! En svona er að vera mamma :) það er yndislegast í heimi! Fór í fermingarveislu síðustu helgi og tveimur mínútum áður en að við lögðum af stað átti ég eftir að mála mig og var ekki lengi að skvetta einhverju framan í mig. Rak svo augun í spegil í veislunni og það var ekki alveg mín flottasta frammistaða framan í mér, svo að mamman er sennilega að breyta meyjunni!

Titillinn endurheimtur!

2005-03-05T00:02:00.000Z

Þá get ég loksins látið sjá mig á meðal fólks aftur! Ég fór nefnilega í vikunni og lét gera hárið á mér fínt. Svo nú hef ég endurheimt titilinn "Aðal gellan í bænum".
Prófaði að boozta í dag og það var bara "mjög gott" (eins og Bergrún Dögg segir alltaf). Þau feðginin smökkuðu þetta líka svo ég gerði tvo skammta og í þann seinni setti ég banana. (óþarflega miklar upplýsingar? nei það er tilgangur með að ég sé að segja þetta allt:) Þannig er nefnilega að eins mikið og mig langar að borða banana þá bara get ég það ekki! Skil það ekki ég kúgast þvílíkt ef að ég borða banana, hélt að ég gæti borðað hann ef að ég setti hann út í svona boozt, en nei - kom þessu reyndar alveg niður en kúgaðist samt en ekki eins mikið og ef að ég er að borða hann einan sér - þá bara kem ég honum ekki niður :) Þvílíkt svindl því það er svo þægilegt að borða banana, fljótlegt og maður verður saddur af honum og mér finnst hann ekkert vondur á bragðið en mér klígjar samt við honum!?! Skil þetta bara ekki. Gat að vísu borðað banana þegar ég var ófrísk af Bergrúnu Dögg enda er banani í miklu uppáhaldi hjá henni :)
Í vikunni vorum við, ég og börnin mín yndislegu saman útá leikvelli. Sæþór Elí að vísu sofandi í vagninum sínum :) en Bergrún Dögg var að róla og ég að ýta henni (þetta var á leikvellinum hjá pulsuvagninum) þá kemur manngrey sem að ætlaði að fara að fá sér að eta og það vildi þannig til að hann var á station bíl sem var ekkert ósvipaður á litinn og okkar. En allavega þá kallar Döggin mín á hann "pabbi" og ég segi henni að þetta sé ekki pabbi en hún kallar samt aftur "pabbi" og segir svo "þetta er ekki pabbi". Það var nú doldið skondið :)

Bangsakaka í kaffitímanum hér!

2005-02-27T14:10:00.000Z

Alveg hreint brjálað að gera hjá mér í Reykjarvíkurferðum þessa dagana! Eða reyndar fór ég nú bara í Kópavog á föstudaginn en ég keyrði allavena :) Smá ferð til að eyða peningum, það hafa allir gott af því endrum og sinnum. Við Bebba og Bergrún Dögg fórum allar saman, sannkölluð pæjuferð! Við fórum í Smáralindina og fengum smá forskot á Idol- kvöldið því við heyrðum í keppendunum æfa sig. Ég tilkynni það hér með að ég held með Davíði Smára :) samt fílaði ég hann alls ekki fyrst og Hildur Vala er algjört æði enda á hún eftir að vinna (eins og allir vita). Núna er stefnan svo tekin á Bangsaköku, er að fara að baka handa Dögginni minni og hún ætlar að sjálfsögðu að hjálpa mér :)

Þau eignuðust kálf og þá er sagan hálf!

2005-02-23T00:33:00.000Z

Það er parket og flísar á fína húsinu mínu en þessa dagana er samt teppalagt - eða eitthvað í þá áttina því ég fer svo mikið úr hárum að það hálfa væri á við tvo kálfa! Hins vegar er ég búin að vera svakalega dugleg og klippa dúllurnar mínar sem að eru svo sérstök að fá klippingu hjá mér :) Bergrún Dögg snúllan mín var fyrst í röðinni. Svo klippti ég hann Bjarna minn (inní eldhúsi eitt kvöldið þegar krúsídúllurnar okkar voru sofnuð) og það geri ég ekki aftur því þessi blessuðu hár þau fara út um ALLT. Svo klippti ég hann pabba minn og mamma fékk bæði strípur og klippingu. Svo er Lilli Bró búinn að panta hjá mér. Hörkudugleg Ég :) Þá er kannski bara kominn tími á sjálfa mig - það mundi enginn trúa mér ef ég segði að ég væri "búin" að læra hárgreiðslu miðað við hvernig ég lít sjálf út um hausinn.
Svo kemur Bergrún Dögg stundum til mín hálf vælandi og segir "ðööö" og rekur útúr sér tunguna og þá er hár á tungunni hennar. Svo ég tali nú ekki um allt hárið sem að safnast saman í hárkúlur í þurrkaranum!

Tvöföldum Reykjanesbraut!!

2005-02-17T23:20:00.000Z

Sá merkilegi hlutur gerðist í vikunni að ég fór í bæinn, þá var ég ekki búin að fara í bæinn í FJÓRA mánuði! Ég segi nú samt bara VÁ hvað tíminn líður þá hratt því mér finnst ekkert vera fjórir mánuðir síðan. Við fórum með litla snúðinn okkar hann Sæþór Elí til læknis, en það var allt í góðu lagi svo við erum mjög ánægð :) Svo fór ég í nokkrar búðir (náði að versla aðeins í þeim öllum) og á meðan biðu snúllarnir mínir Bjarni og Sæþór Elí útí bíl. Gaman! Ég er svo skrítin mamma sem að vil ekkert vera að fara með litla gullmolann minn inní búðir og á staði þar sem er mikið af fólki á meðan hann er svona lítill. Hann var ekkert smá góður allan tímann, þar er sko munur á systkynunum því að Bergrúnu Dögg þótti sko ekki gaman í bíl og þykir eiginlega ekkert gaman enn. Það sannaðist líka að ég er kolrugluð, ég fór inní Hagkaup og sá þar voða sætan bol sem á stóð "ég er sætastur" ég ætlaði að kaupa hann, hann var röndóttur svo sá ég hann bláan og ákvað að kaupa hann frekar. Svo þegar ég kom út í bíl og ætlaði að sýna Bjarna bolinn þá stóð bara eitthvað allt annað á honum, var meira að segja smá tíma að fatta það "ég er prins" en drengurinn minn er bæði sætastur og algjör prins svo að þetta er allt saman í góðu lagi, nema þá sjónin í mér!

Það er gaman af þessu!

2005-02-12T17:06:00.000Z

Við hjónakornin (eða kannski má ekki skrifa svoleiðis um ógift fólk?) allavena þá erum við algjörir snillingar! Núna í vikunni þá var Bjarni minn að fara út í búð þegar hann uppgötvaði að veskið hans var ekki á sínum stað (er ALLTAF á sínum stað) og eftir smá leit og upprifjanir þá komumst við að þeirri niðurstöðu að hann hafði notað það síðast kvöldið áður í 10-11. Hann var einmitt að fara þangað að versla og viti menn veskið hans var þar! Afgreiðslukonan var nú frekar hissa á því hversu lengi verskið var búið að vera þarna, í næstum sólahring, skrítinn veskiseigandi það! En þá mundi ég eftir að þegar ég var að vinna á Hár-inn fyrir nokkrum árum síðan (WHAT) þá fór ég nú stundum út í 10-11 sem og ég gerði einn daginn kannski svona uppúr tvö. Svo um kvöldið eða um sex leytið þegar ég ætlaði að halda heim á leið úr vinnu að sjálfsögðu á bílnum mínum, þá fann ég ekki lyklana. Mundi svo eftir að ég hafði farið í 10-11, ekki á bílnum samt svo það sé á hreinu :). Viti menn lyklarnir voru þar (veit samt ekki af hverju ég hafði haft þá með mér þangað!?!) sá sem var að afgreiða sagði við mig "þeir eru sko búnir að vera hérna í allan dag" og hefur eflaust hugsað hversu rugluð ég væri að gleyma bílnum mínum í búðinni!

Annað hvort eða bara alls ekki!

2005-02-11T15:05:00.000Z

Hvernig væri með þetta blessaða veður að fara að vera aðeins stabílla (eða eitthvað). Þannig er nefnilega mál með vexti að ef að ég ætla með börnin mín yndislegu út að labba þá kemst ég ekki með bæði vagn og kerru, það yrði allavena eitthvað klaufalegt. Þannig að við erum búin að fá okkur pall til að setja á vagninn og þar getur Bergrún Dögg staðið á(allavena annað slagið, hún þarf auðvitað að labba). En það er ekki hægt að vera með pallinn í þessu slabbi. Ég er búin að prófa það! Ekki er heldur hægt að fara á snjóþotunni því það er enginn snjór á gangstéttum og götum. Svo það væri ágætt ef að það væri annað hvort snjór eða bara alls enginn snjór, ekkert svona hálkák.

Ég er ekki Drekinn!

2005-02-07T21:36:00.000Z

Ég velti því nú vel og lengi fyrir mér hvort ég ætti að gerast bloggari. Mig langaði það en það truflaði mig alltaf atriðið í Svínaspunni þegar þeir voru að gera grín af bloggurum :) Ég er svo hrikalega eitthvað !?!?! veit ekki einu sinni hvað. En svo ákvað ég bara að slá til og þá er bara að vona að það uppgötvi mig einhver, ég er búin að senda nokkrar vísbendingar út á vefinn en þær virðast ekkert vera að skila sér. Það gerist auðvitað ekkert á einni nóttu!

Bleikur! það er ekki spurning.

2005-02-04T23:49:00.000Z

Spurning um að standa sig finnst að maður er byrjaður á þessu! Alltaf nóg að gera, svo þegar maður ætlar að setjast niður síðla kvölds og tjá sig eitthvað þá er heilinn bara því miður kominn í pásu..... svo er það alltaf jafn skrítið hvað tíminn líður og líður. Kannski maður sendi bara tillögu um að láta lengja sólahringinn um nokkrar klukkustundir, eins og svona þrjár til fjórar. Stóra spurningin er bara hvert maður á að senda það?!?
Allavena þá er ég obboslega ánægð með bleiku síðuna mína og með hjálp elskulega mannsins míns gat ég gert það sem mig langaði, ennnnn ég gat samt gert ýmislegt ein!

Jæja þá!

2005-01-29T01:07:00.000Z

Best að prufa að vera bloggari, svo að ég fái að vera með í klíkunni. Verst að ég get ekki hætt að fikta í þessu dóti fyrr en ég er sátt við það og þetta er svo hel**** tímaferkt. En við sjáum hvað setur! Jamm og já.